Maxfiylik siyosati

1. Kim ma'lumotni qayta ishlaydi

Operator — DevCoders. Manzil: Samarqand viloyati Pastdarg'om tumani. Aloqa: bahodirhasano05@gmail.com, +998947878607.

Siyosat https://devcoders.uz saytiga va undagi barcha xizmatlarga tegishli.

2. Qanday ma'lumot yig'amiz

Faqat xizmat ko'rsatish uchun zarur bo'lganini. Hech qanday yashirin yig'ish yo'q.

2.1. Siz o'zingiz kiritasiz

• Ism, email, telefon — ro'yxatdan o'tishda. Emailsiz hisobni tiklab bo'lmaydi, shuning uchun u majburiy.
• Yuridik nom, STIR, manzil — faqat yuridik shaxs bo'lsangiz va o'zingiz to'ldirsangiz. Chek va hisob-fakturada shular chiqadi.
• Domen nomi — buyurtma berishda, agar ko'rsatsangiz.
• Murojaat matni — qo'llab-quvvatlashga yozganingizda.

2.2. Tizim o'zi qayd etadi

• IP manzil va brauzer nomi — kirish paytida. Bu qurilmalar ro'yxatida ko'rinadi: begona kirishni siz o'zingiz payqashingiz uchun.
• Kirish urinishlari — parol tanlashga qarshi himoya uchun.
• Buyurtma, to'lov va xizmat tarixi — hisob-kitob uchun.
• Harakatlar jurnali — kim nimani o'zgartirgani. Nizo chiqsa faktni tiklash uchun.

2.3. Nimani YIG'MAYMIZ

Bank karta raqamlarini ko'rmaymiz va saqlamaymiz — to'lov PayX sahifasida o'tadi, bizga faqat "to'landi/to'lanmadi" natijasi qaytadi. Saytingiz fayllari va bazangiz mazmuni bizda saqlanmaydi. Kuzatuv uchun uchinchi tomon skriptlari (reklama pikselleri, tashqi analitika) saytga qo'yilmagan.

3. Nima uchun ishlatamiz

• Xizmatni yaratish, uzaytirish va to'xtatish — shartnomani bajarish uchun.
• Muddat tugashi, to'lov va nosozliklar haqida xabar berish.
• Hisobingiz xavfsizligi: shubhali kirishni aniqlash va cheklash.
• Buxgalteriya va soliq hisoboti — qonun talabi.

Reklama xatlarini yubormaymiz. Xizmat bilan bog'liq xabarnomalarni kabinetdagi «Bildirishnomalar» bo'limida o'chirib qo'yishingiz mumkin — lekin muddat va to'lov haqidagi xabarlar qoladi, ularsiz xizmat to'xtaganini bilmay qolasiz.

4. Kimga beriladi

Ma'lumot sotilmaydi va reklama uchun berilmaydi. U faqat quyidagilarga o'tadi:

• Orax (hosting platformasi) — xizmatni yaratish uchun sizning ichki raqamingiz va domen nomi. Ism, telefon va email o'tkazilmaydi.
• PayX (to'lov tizimi) — to'lov summasi va buyurtma raqami. To'lov ma'lumotlarini PayX o'z siyosati bo'yicha qayta ishlaydi.
• Davlat organlari — faqat qonunda ko'rsatilgan tartibda rasmiy so'rov bo'lganda.

5. Qancha saqlanadi

• Hisob ma'lumotlari — hisob mavjud bo'lgan davrda.
• Buyurtma va to'lov yozuvlari — buxgalteriya talabiga ko'ra tugallangandan keyin ham saqlanadi.
• Kirish urinishlari — 7 kun.
• Qurilma seanslari — 60 kun faollik bo'lmasa o'chiriladi.
• Bildirishnomalar — 90 kun.
• Zaxira nusxalar — 14 kun. O'chirilgan ma'lumot shu muddat ichida nusxalarda qolishi mumkin.

6. Qanday himoyalanadi

• Sayt faqat HTTPS orqali ishlaydi.
• Parollar ochiq holda saqlanmaydi — faqat qaytarib bo'lmaydigan xesh.
• Seans belgilari ham xeshlangan holda turadi.
• Hisobga ikki bosqichli kirishni yoqishingiz mumkin.
• Kalitlar va parollar veb orqali o'qilmaydigan faylda, cheklangan huquq bilan.

Shunga qaramay, internetda 100% xavfsizlikni hech kim kafolatlay olmaydi. Shubhali harakat sezsangiz — darhol parolni almashtiring va bizga yozing.

7. Sizning huquqlaringiz

Siz istalgan payt:

• ko'rishingiz — ma'lumotlaringiz kabinetdagi «Profil» va «Xavfsizlik» bo'limlarida ochiq turadi;
• tuzatishingiz — o'sha yerda o'zingiz o'zgartirasiz;
• seanslarni yopishingiz — «Xavfsizlik» bo'limida har bir qurilma alohida chiqariladi;
• o'chirishni so'rashingiz mumkin — bizga yozing. Faol xizmat bo'lsa avval uni yakunlaymiz; buxgalteriya yozuvlari qonun talab qilgan muddatgacha qoladi.

So'rovlarga bahodirhasano05@gmail.com manzili orqali murojaat qiling. Javobni ish kunlari ichida beramiz.

8. Cookie fayllari

Faqat ikkita maqsadda ishlatiladi: seansni saqlash (kirganingizdan keyin har sahifada qayta parol so'ralmasligi uchun) va forma himoyasi (CSRF belgisi). Reklama yoki kuzatuv cookie'lari yo'q. Ularni brauzerda o'chirsangiz saytga kirib bo'lmaydi.

9. O'zgarishlar

Siyosat o'zgarsa, yangi tahrir shu sahifada e'lon qilinadi va yuqoridagi sana yangilanadi. Jiddiy o'zgarishlar haqida emailingizga xabar beramiz.

Ommaviy oferta · Aloqa